ESTIMULAZIO KOGNITIBOA

Estimulazio kognitiboa terapia ez farmakologikoa da, hondatze kognitibo arina edo (dementzia) neurrizko-larriak duten pertsonei zuzenduta dago. Dementziaren aurkako prebentzio modu bezala erabiltzen da, gaixotasun honen kontrako faktore babesle moduan jokatzen duelako.

Estimulazio kognitiboa oroimen, arreta, hizkuntza, kalkulu eta funtzio betearazleak lantzen dituzten ariketak lantzean datza, bere helburua aipaturiko funtzio kognitiboak aktibatu edota bere hondatzea saihestea delarik.

Estimulazio kognitiboa pertsona bakoitzaren maila desberdinei zuzenduta dago: funtzionala, kognitiboa, psikoafektiboa eta erlazionalari, funtzionamendu kognitiboa gainerako mailekin lotua bait dago. Zahartzaroa eta gaixotasun neurodegeneratiboak, hondatze kognitiboarekin paraleloan doaz eta era berean baita eguneroko funtzionaltasunarekin eta bizitzan besteekin harrematan jartzeko moduarekin.

Horregatik, estimulazio kognitiboaren praktika jarraituarekin onura zenbaezinak lortzen direla frogatuta dago.

ESTIMULAZIO KOGNITIBOAREN ONURAK

Ahalmen kognitiboak mantentzea edo hobetzea

Ingurunearen isolatzea saihestea

Erlazio sozialak bultzatzea

Independentzia eta autonomia pertsonala handitzea

Ingurunearen gainean kontrol sentimenduak sortzea eta babesgabetasuna murriztea

Eguneroko zereginetan ahalmen funtzionala eta jarduerak areagotzea

Ongizate sentimendu emozionala, psikologikoa eta osasun orokorrekoa hobetzea

Pazientearen bizi-kalitatea hobetzea

Zaintzaileen bizi-kalitatea hobetzea

Hau guztia kontuan hartuz, ARGITUZ-en estimulazio kognitiboa era jarraituan entrenatzeko eta praktikatzeko espazioa da. 2 esku-hartze eremu bereizten ditugu:

1. Hondatze kognitiboarekin diagnostikatutako pazienteak: Alzheimer, Parkinsona, Iktusa...

• Terapiarekin hasi aurretik, neurologo batek diagnostikatutako pazienteari, ebaluazio neuropsikologikoa egiten zaio. Horretarako, bere esperientzia luzearengatik ezaguna den, Myriam Barandiaran neuropsikologoaren kolaborazioa. Ebaluazioatik Estimulazio kognitiboko programa pertsonalizatu bat egiten dugu: pazienteak egin beharreko ariketa jakin batzuk.
ARGITUZ-en, Marikruz Alberdi-k, estimulazio kognitiboko heziketarako laguntzaileak, , pazienteari aipaturiko ariketak era kontrolatu eta jarraituan egiten laguntzen dio. Aipatu beharra dago, momentuoro neuropsikologoaren gainbegiratzean landuko direla, pazientearen eboluzioa ikusiz.
Estimulazio kognitiboko klaseak era indibidualean edo talde txikietan (gehienez 4 pertsona) egiten dira, honela pertsonalizatutako terapia burutuz. Halaber, taldeak gaixotasun mota eta fasearen arabera antolatzen dira.
• Klaseak astean 2 edo 3 egunetan ematen dira, beharraren arabera, bere iraupena 50 minutukoa delarik.

2. Zahartze arruntarekin lotutako memoria arazoak dituzten pertsonak:

5 pertsonako taldeetan lantzen da. Klaseak edo tailerrak bi arloetan banatzen dira:

Oroimenaren oinarrizko prozesuak hobetzeko orioimen teknika entrenamenduak: kodifikazioa, biltegiratzea eta errekuperazioa.
Oinarrizko prozesu kognitikoak, hau da oroimena, atentzioa, hizkuntza, eta orientazio espaziala eta denborala, estimulatu eta mantentzeko ariketak.

Egoera larriak saihesteko, taldeko terapiak hasi aurretik pertsona bakoitzari bahatze test batzuk egiten zaizkio. Honela bere ahazteak adinaren ondoriodirela egiaztatzen da eta ez oinarri organikoko gorabehera kognitiboengatik. Gorabehera kognitiboko susmoaren aurrean, bere familiako sendagilea bisita dezala aholkatzen da, honek beharrezkoa ikusiko balu, neurologo batengana bideratuko lukeelarik.
Klaseak astean 2 egunetan ematen dira, bere iraupena 60 minutukoa delarik.

ZERBITZUAK

KOKAPENA

Ibai Ondo, 3 - 20720 Azkoitia (Gipuzkoa)
T. 943 55 95 09
E. Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.